ಸಾಗರ ಕ್ಷೇತ್ರದ ಅಂಬರಗೋಡ್ಲು-ಸಿಗಂದೂರು ಸೇತುವೆ ನಿರ್ಮಾಣದ ಪ್ರಥಮ ಹಂತವು 25-06-2008ರಂದು ಆರಂಭವಾಗಿದ್ದು, ಇದೀಗ ಹಳೆ ಪತ್ರವೊಂದು ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗುತ್ತಿದೆ.

ಆ ದಿನಗಳಲ್ಲಿ ಕರ್ನಾಟಕದ ಮುಖ್ಯಮಂತ್ರಿಯಾಗಿದ್ದ ಬಿ.ಎಸ್. ಯಡಿಯೂರಪ್ಪ ಅವರಿಗೆ ಸಾಗರದ ಜನಪ್ರಿಯ ಕಾಂಗ್ರೆಸ್ ಶಾಸಕ ಗೋಪಾಲಕೃಷ್ಣ ಬೇಲೂರು ಅವರು ಈ ಸೇತುವೆ ನಿರ್ಮಾಣಕ್ಕಾಗಿ ಅಧಿಕೃತವಾಗಿ ಪತ್ರವೊಂದನ್ನು ಸಲ್ಲಿಸಿದ್ದರು. ಲಕ್ಷಾಂತರ ಭಕ್ತರು ಪ್ರತಿವರ್ಷ ಶ್ರೀ ಸಿಗಂದೂರು ಚೌಡೇಶ್ವರಿ ದೇವಾಲಯ ಹಾಗೂ ಕೊಲ್ಲೂರು ಮೂಕಾಂಬಿಕಾ ದೇವಸ್ಥಾನಕ್ಕೆ ಭೇಟಿ ನೀಡುತ್ತಿದ್ದ ಹಿನ್ನೆಲೆಯಲ್ಲಿ ಈ ಸೇತುವೆ ಅಗತ್ಯವಾಗಿತ್ತು.

ಜನಸಾಮಾನ್ಯರ ತೊಂದರೆ ಅರಿತು ಶಾಸಕರ ನೇತೃತ್ವದಲ್ಲಿ ಪಾದಯಾತ್ರೆ, ಮನವಿ ಸಲ್ಲಿಕೆ, ಪ್ರತಿಭಟನೆಗಳು ನಡೆಯುತ್ತಿದ್ದವು. ಕಾಂಗ್ರೆಸ್ ಪಕ್ಷದ ಹಲವು ಮುಖಂಡರು ಸೇತುವೆ ನಿರ್ಮಾಣಕ್ಕಾಗಿ ಬದ್ಧತೆ ತೋರಿದರು. ಅವರ ಮುಂದಾಳುತ್ವದಿಂದಲೇ ಈ ಯೋಜನೆಯ ಪ್ರಾರಂಭ ಸಾಧ್ಯವಾಯಿತು.

ಈ ಪತ್ರದ ಪುನರ್ ಪ್ರಚಲನೆಯ ಮೂಲಕ ಶಾಸಕರ ಹೋರಾಟದ ಸ್ಮರಣೆ ಮತ್ತೆ ಒಂದು ಬಾರಿ ಸಾರ್ವಜನಿಕ ಚರ್ಚೆಗೆ ಎದ್ದು ಬಂದಿದೆ.

📍 ವರದಿ: ರಮೇಶ್ ಡಿ.ಜಿ, ಆನಂದಪುರ – ಶಿವಮೊಗ್ಗ