ಸೈಬರ್ ಕ್ರೈಂ ಪೇದೆಗೆ ಹನಿಟ್ರ್ಯಾಪ್: ಪತ್ನಿ ಆತ್ಮಹತ್ಯೆಗೆ ಯತ್ನ…!?

ಕಲಬುರಗಿಯಲ್ಲಿ ಸೈಬರ್ ಕ್ರೈಂ ಪೊಲೀಸ್ ಠಾಣೆಯ ಪೇದೆಯೊಬ್ಬರನ್ನು ಹನಿಟ್ರ್ಯಾಪ್ ಮೂಲಕ ಬಲೆಗೆ ಕೆಡವಿ, ಪೇದೆಯ ಪತ್ನಿಯಿಂದ ಲಕ್ಷಾಂತರ ರೂ. ಹಣ ಪೀಕಿದ ಘಟನೆ ಬೆಳಕಿಗೆ ಬಂದಿದೆ. ಪೇದೆಯನ್ನು ತನ್ನ ಜಾಲಕ್ಕೆ ಬೀಳಿಸಿದ್ದ ಪೂಜಾ ಎಂಬ ಮಹಿಳೆ, ಪೇದೆಯ ಖಾಸಗಿ ಫೋಟೋಗಳನ್ನು ಬಳಸಿ ದಬ್ಬಾಳಿಕೆಗೆ ಮುಂದಾಗಿದ್ದಾಳೆ. ಈ ಹಿನ್ನಲೆಯಲ್ಲಿ ಪೂಜಾ ಪೇದೆಯ ಪತ್ನಿಗೆ ಫೋಟೋ ತೋರಿಸಿ 8 ಲಕ್ಷ ರೂ. ವಸೂಲಿ ಮಾಡಿದಳು.

ಇದರೊಂದಿಗೆ, ಪೂಜಾ ಮತ್ತಷ್ಟು ಹಣಕ್ಕೆ ಬೇಡಿಕೆ ಇಟ್ಟಿದ್ದಾಗ ಪೇದೆಯ ಪತ್ನಿ ಮಾನಸಿಕವಾಗಿ ತತ್ತರಿಸಿ ಆತ್ಮಹತ್ಯೆಗೆ ಯತ್ನಿಸಿದ್ದಾರೆ. ಈ ಕೃತ್ಯದಲ್ಲಿ ಅಮರಸಿಂಗ್ ಎಂಬಾತ ಪೂಜಾಗೆ ಸಾಥ್ ನೀಡಿದ್ದಾನೆ ಎಂದು ತಿಳಿದುಬಂದಿದೆ.

ಪೇದೆ ನೀಡಿದ ದೂರುದಾರಿತ ಪತ್ರದ ಮೇರೆಗೆ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಆರೋಪಿಗಳು ಈ ಘಟನೆ ನಂತರ ಪರಾರಿಯಾಗಿದ್ದಾರೆ. ಪೊಲೀಸರು ಆರೋಪಿಗಳ ಪತ್ತೆಗೆ ವಿಶೇಷ ತಂಡ ರಚಿಸಿದ್ದಾರೆ.