A R T O ಎಂ. ಸುಧಾಮಣಿ ವರ್ಗಾವಣೆ, ಅವರಿಂದ ಹತಾಶೆಗೊಂಡಿದ್ದ ಕೆಲವು ಮಧ್ಯವರ್ತಿಗಳಿಂದ ಪಟಾಕಿ ಸಿಡಿಸಿ ದುರ್ನಡತೆ…..

ತಿಪಟೂರು :

ತಾಲೂಕಿನ ಸಾರಿಗೆ ಇಲಾಖೆಯಲ್ಲಿ ಎಆರ್‌ಟಿಓ ಆಗಿ ಕಾರ್ಯನಿರ್ವಹಿಸುತ್ತಿದ್ದ ದಲಿತ ಅಧಿಕಾರಿ ಎಂ. ಸುಧಾಮಣಿ ಅವರು ತಮ್ಮ ವರ್ಗಾವಣೆಯ ಹಿನ್ನಲೆಯಲ್ಲಿ ಅಧಿಕಾರವನ್ನು ನೂತನ ಎಆರ್‌ಟಿಓಗೆ ಹಸ್ತಾಂತರಿಸಿದರು. ಸುಧಾಮಣಿ ಅವರು ತಮ್ಮ ಕರ್ತವ್ಯವನ್ನು ನಿಷ್ಠೆಯಿಂದ ನೆರವೇರಿಸುತ್ತಿದ್ದು, ಮದ್ಯವರ್ತಿಗಳಿಗೆ ಭಯದ ಸ್ವಪ್ನವಾಗಿ ಪರಿಣಮಿಸಿದ್ದರು. ಅವರ ಕಾರ್ಯನಿರ್ವಹಣೆ ಜನಸಾಮಾನ್ಯರಿಗೆ ಗೌರವ ತಂದಿತ್ತಾದರೂ, ಕೆಲವರಲ್ಲಿ ಅಸಮಾಧಾನ ಉಂಟುಮಾಡಿತ್ತು.

ವರ್ಗಾವಣೆಯಾದ ಬಳಿಕ ಸುಧಾಮಣಿ ಅವರು ಬೆಂಗಳೂರಿನ ಕಡೆ ಕಾರಿನಲ್ಲಿ ಪ್ರಯಾಣಿಸುತ್ತಿದ್ದಾಗ, ಆರ್‌ಟಿಓ ಕಚೇರಿ ಮುಂಭಾಗದಲ್ಲಿ ಕೆಲ ದಲ್ಲಾಳಿಗಳು ಮತ್ತು ಅಸಂತೃಪ್ತ ಮದ್ಯವರ್ತಿಗಳು ಸೇರಿಕೊಂಡು ದುರ್ನಡತೆ ತೋರಿಸಿದರು. ಸುಧಾಮಣಿ ಅವರ ವರ್ಗಾವಣೆ ಸಂಭ್ರಮಿಸಲು ಪಟಾಕಿ ಸಿಡಿಸಿ ಸಾರ್ವಜನಿಕರಿಗೆ ತೊಂದರೆ ಮಾಡಿದರು. ಈ ಘಟನೆ ಸ್ಥಳೀಯರ ಆಕ್ರೋಶಕ್ಕೆ ಕಾರಣವಾಯಿತು.

ಸಾರ್ವಜನಿಕರು ಈ ಘಟನೆ ಬಗ್ಗೆ ಕಳವಳ ವ್ಯಕ್ತಪಡಿಸಿದರು ಮತ್ತು ಮುಂದಿನ ದಿನಗಳಲ್ಲಿ ಇಂತಹ ಘಟನೆಗಳು ಪುನರಾವೃತವಾಗದಂತೆ ಕ್ರಮಕೈಗೊಳ್ಳುವಂತೆ ಆಗ್ರಹಿಸಿದರು.

ಸುಧಾಮಣಿ ಅವರ ವರ್ಗಾವಣೆಯು ಅವರ ಸೇವೆಯ ಹಿನ್ನಲೆಯಲ್ಲಿ ಬಂದಿರುವುದರಿಂದ, ತಿಪಟೂರು ಜಿಲ್ಲೆಯ ನಾಗರಿಕರು ಅವರ ಸೇವೆಯನ್ನು  ಮೆಚ್ಚಿದರು. ಅವರ ಕರ್ತವ್ಯನಿಷ್ಠೆ ಮತ್ತು ಸಮರ್ಥ ಆಡಳಿತದಿಂದ ಅನೇಕ ಬದಲಾವಣೆಗಳು ಮತ್ತು ಸುಧಾರಣೆಗಳು ಆಗಿದ್ದು, ಜನರ ಮನದಲ್ಲಿ ಅವರಿಗೆ ಸ್ಥಳ ಸಿಕ್ಕಿದೆ.

ಈ ಘಟನೆ ಮಾಧ್ಯಮಗಳಲ್ಲಿ ವ್ಯಾಪಕ ಚರ್ಚೆಗೆ ಕಾರಣವಾಯಿತು, ಸಾರ್ವಜನಿಕರ ಮತ್ತು ಅಧಿಕಾರಿಗಳ ಗಮನ ಸೆಳೆಯಿತು.