ಸಾತ್ವಿಕನುಡಿ ನ್ಯೂಸ್ ಚಿತ್ರದುರ್ಗ
ಬೆಳ್ಳಂಬೆಳಗ್ಗೆ ರೈಲ್ವೆ ಬ್ರಿಡ್ಜ್ ಗೆ ಈಚರ್ ವಾಹನ ಡಿಕ್ಕಿ ಹೊಡೆದು, ಲಾರಿ ಚಾಲಕ ಪ್ರಾಣಾಪಾಯದಿಂದ ಪಾರಾಗಿರುವ ಘಟನೆ ನಡೆದಿದೆ. ಬೆಂಗಳೂರಿನಿಂದ ಮೊಟ್ಟೆ ತರಲು ಚಳ್ಳಕೆರೆಗೆ ಬರುತ್ತಿದ್ದ ವೇಳೆ, ನಗರದ ರೋಜಾ ಡಾಬದ ಮುಂಭಾಗದಲ್ಲಿ ರೈಲ್ವೆ ಬ್ರಿಡ್ಜ್ ಗೆ ಈಚರ್ ಲಾರಿ ಗುದ್ದಿದ ಪರಿಣಾಮ, ಲಾರಿ ಚಾಲಕ ಹನುಮಂತನ ಕಾಲಿಗೆ ಗಾಯವಾಗಿದೆ ಆದರೆ ಪ್ರಾಣಾಪಾಯದಿಂದ ಪಾರಾಗಿದ್ದಾನೆ.
ಈ ದುರ್ಘಟನೆ ಬೆಳಗಿನ ನಾಲ್ಕು ಗಂಟೆಗೆ ಸಂಭವಿಸಿದ್ದು, ಘಟನಸ್ಥಳಕ್ಕೆ ಚಳ್ಳಕೆರೆ ಪೊಲೀಸರು ತಕ್ಷಣವೇ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.
ಗಾಯಾಳು ಹನುಮಂತನನ್ನು ಸಾರ್ವಜನಿಕ ಆಸ್ಪತ್ರೆಗೆ ದಾಖಲಿಸಲಾಗಿದೆ, ಅಲ್ಲಿ ಅವನಿಗೆ ಅಗತ್ಯ ಚಿಕಿತ್ಸೆ ನೀಡಲಾಗುತ್ತಿದೆ.
ಪೊಲೀಸರು ಈ ಘಟನೆಯ ಕುರಿತು ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ. ಸ್ಥಳೀಯರು ಹೆಚ್ಚಿನ ವೇಗದಲ್ಲಿ ವಾಹನ ಚಲಾಯಿಸುವುದು ಮಾರಕ ಪರಿಣಾಮಗಳನ್ನು ಉಂಟುಮಾಡಬಹುದೆಂದು ತಿಳಿದುಕೊಳ್ಳಬೇಕಾಗಿದೆ.
ಈ ಘಟನೆ ಜನರಿಗೆ ಬೋಧನೆ ನೀಡಿ, ರಸ್ತೆ ಸುರಕ್ಷತೆ ಕುರಿತಂತೆ ಹೆಚ್ಚಿನ ಜಾಗ್ರತೆಯಿಂದ ಮುಂದುವರಿಯಲು ಪ್ರೇರೇಪಿಸಬಹುದು.
